इटहरीको जंगलमा भेटिए ११ जना भारतीय

  • प्रकाशित मितिः बैशाख ९, २०७७
  • १०१६१५ पटक पढिएको
  • सञ्चारपाटी
alt

इटहरी । सुनसरीको इटहरी २० तरहराको जंगलमा ११ जना भारतीय नागरिक भेटिएका छन ।  लकडाउन भए सँगै सुनसरीको तरहराको चारकोशे झाडीमा फेला परेको इलाका प्रहरी कार्यलय इटहरीले जनाएको छ ।

फेला परेका विदेशी नागरिक सबै भारतका मुस्लिम समुदायका हुन् । उनीहरू भोजपुरमा काम गर्नका लागि आएको र लकडाउनले जान नपाए पछि तरहराको खोटो कम्पनी छेउमा बस्दै आएको इलाका प्रहरी कार्यलय इटहरीका डिएसपी धर्मराज भण्डारीले जनाए । उनीहरु करिब एक महिना देखि त्यही बस्दै आएका रहेछन डिएसपी भण्डारीले भने । 

उनीहरुलाई एम्बुलेन्समा राखेर इटहरी अस्पताल लगिएको प्रहरीले बताएको छ । उनीहरुको र्यापिट टेष्ट गरि क्वारेन्टाईनमा राख्ने तयारी भइरहेको इलाका प्रहरी कार्यलय इटहरीले जनाएको छ । उनीहरु तरहरामा बस्दै आएको स्थानीय सर्वसाधरणहरुले बताएका थिए ।

केहि दिन अघि पनि मोरङ र सुनसरीको मस्जिदमा फेला परेका विदेशी नागरिकलाई दुवै जिल्लाको प्रशासनले ज्वरो र स्वाब जाँच गराएर होम क्वारेन्टाइनमा राखेको छ । भारतीय नागरिकहरु लुकिछिपि नेपाल भित्रन सक्ने भन्दै प्रहरीले बोर्डर क्षेत्रमा कडाई गरिरहेको जनाएको छ ।

रिर्पोट नेगेटिभ

इटहरीमा भेटिएका ११ जना भारतीय र २ जना चीनीया नागरिकको आरडिटी परीक्षण गर्दा रिर्पोट नेगेटिभ आएको छ । खोटो संकलनका लागि जम्मूकश्मिरवाट नेपाल आएर भोजपुर जाँदै गर्दा लकडाउनमा फसेका ११ जना भारतीय र अप्पो मोवाइलमा काम गर्ने २ जना चिनीयाँ नागरिकको आरडिटि परीक्षण गर्दा सवैजनाको रिर्पोट नेगेटिभ आएको हो ।

 उनीहरुलाई जनता क्यापमसको क्वारेण्टाइनमा राखिएको छ । अप्पो मोवाइलमा काम गर्ने चीनीयाहरु भने १ जना दुई महिना देखि र अर्को जना ५ महिना देखि इटहरी वस्दै आएको पाइएको छ । उनीहरुमा कुनै लक्षण देखिएको छैन ।

तस्विर पुरानो हो ।

प्रतिक्रिया दिनुहोस

सञ्चारपाटी डटकम

 

  • कम्पनी दर्ता नं. १९८३६२/०७५/०७६
  • स्थायी लेखा नं. ६०६५९९०९२
  • सूचना विभाग दर्ता नं. १६५०
  • प्रेस काउन्सिल दर्ता नं. ५६४/०७५/०७६

सम्पर्क

श्री ईटहरी सञ्चार मिडिया नेटवर्क प्रा. लि.

इटहरी उपमहानगरपालिका-६, सुनसरी, कोशी, नेपाल

Copyright © 2018 / 2020 - Sancharpati.com All rights reserved