इटहरीमा मतगणना आजबाट सुरु हुने

  • प्रकाशित मितिः बैशाख ३१, २०७९
  • ४६ पटक पढिएको
  • सञ्चारपाटी
alt

इटहरी / इटहरी उपमहानगरपालिकामा मतगणना आजदेखि सुरु हुने भएको छ ।

शुक्रबार उपमहानगरका २० वटै मतदानस्थलबाट शिलबन्दी गरिएका मतपेटीका निर्वाचन अधिकृतको कार्यालय इटहरीको साँस्कृतिक भवनमा ल्याइएको छ । त्यसको सम्पूर्ण अभिलेख राख्ने कार्य राति अबेरसम्म भएको थियो ।

आज बिहान ८ बजे मतगणाका लागि सर्वदलीय बैठक राखिएको इटहरीको निर्वाचन अधिकृतको कार्यालयले जनाएको छ ।

बिहान ८ बजेको सर्वदलीय बैठकमा निर्वाचनमा सहभागी सबै दल तथा स्वतन्त्रका उम्मेदवारका प्रतिनिधिहरूलाई सहभागीताका लागि निर्वाचन अधिकृतको कार्यालय सूचना समेत जारी गरेको छ ।

इटहरीमा जम्मा एक लाख ४ हजार ६२६ कुल मतदातामध्ये ७३ हजार ७ सय ३२ मत खसेको कार्यालयले जनाएको छ । आयोगमा अनुसार इटहरीमा ७०.४७ प्रतिशत मतदान भएको छ ।

प्रतिक्रिया दिनुहोस

सञ्चारपाटी डटकम

 

  • सूचना विभाग दर्ता नं. १६५०/०७५/०७६
  • प्रेस काउन्सिल दर्ता नं. ५६४/०७५/०७६

सम्पर्क

श्री ईटहरी सञ्चार मिडिया नेटवर्क प्रा. लि.

इटहरी उपमहानगरपालिका-६, सुनसरी, कोशी, नेपाल

Copyright © 2018 / 2022 - Sancharpati.com All rights reserved