इटहरी / देशकै नमुना सहकारी मध्येको एक इटहरी स्थित किसान कल्याण बचत ऋण सहकारी संस्थाले इटहरीमा  बृहत रक्तदान कार्यक्रम सम्पन्न गरेको छ ।

संस्थाले सामाजिक उत्तरदायित्व अन्तर्गत सहिद सप्ताहको अवसर पारेर रक्तदान कार्यक्रमको आयोजना गरेको हो ।

संस्थाका संचालक प्रेम बहादुर बस्नेतको संयोजकत्वमा संस्थाको कार्यालय बालग्राम चोकमा रक्तदान कार्यक्रम सम्पन्न भएकाे हाे ।

उक्त रक्तदान कार्यक्रमबाट ९२ पिन्ट  रगत संकलन भएको संचालक बस्नेतले जानकारी दिए ।

रक्तदान कार्यक्रममा अन्य सहकारी संस्थाका  संचालक कर्मचारी,  बचत संघ सुनसरीका पदाधिकारी , विभिन्न  क्लब, नेपाल प्रहरी तथा संचारकर्मीहरुकाे समेत उल्लेख्य सहभागीता रहेकाे संस्थाका प्रमुख कार्यकारी अधिकृत पुष्कर बस्नेतले जानकारी  दिए ।

बजारमा रगत अभाव नहाेस् भन्ने उदेश्यले रक्तदान कार्यक्रमकाे आयाेजना गरीएकाे अधिकृत बस्नेतले बताए ।

किसान कल्याण बचत ऋण सहकारी संस्थाकाे १९ हजार भन्दा बढी शेयर सदस्य रहेका छन् भने   ,  १ अर्व  ११ करोडको वासलात  र ८ ओटा सेवाकेन्द्रहरू  रहेको समेत बस्नेतले जानकारी दिए ।