विराटनगर । तेह्रथुमको फेदाप गाउँपालिकाका सर्बसाधारणलाई ट्यांकी बितरण गरिएको छ। फेदाप गाउँपालिका वडा नम्बर ५  इसिबुमा निशुल्क खानेपानीको ट्यांकी बितरण गरिएको हो ।
चालु आर्थिक बर्ष २०७९/०८० को बजेट तथा कार्यक्रमबाट निशुल्क खानेपानीको ट्यांकी बितरण गरिएको गाउँपालिकाले जनाएको छ। वडाले छुट्याएको एक लाख बजेटबाट वडाका नागरिकलाई निःशुल्क ट्यांकी  बितरण गरिएको वडा नम्बर ५ का वडा अध्यक्ष पुरुषोतम तिमल्सिनाले जानकारी दिए ।
फेदाप गाउँपालिका वडा नम्बर ५ स्थित सुख्खा क्षेत्रका १८ घर परिवारलाई निशुल्क प्लाष्टिकको ट्यांकी बितरण गरिएको तिमल्सिनाले बताए । उनले ५ सय लिटरका १८ वटा ट्यांकी बितरण गरिएको जानकारी दिए ।
सुख्खा क्षेत्रका नागरिकलाई खानेपानी जोहो गरि आबस्यकता अनुसार प्रयोग गर्न सहयोग पुगोस भनेर खानेपानी ट्यांकी (प्लाष्टिक ड्रम) बितरण गरिएको उनको भनााई छ ।