विराटनगर । कोशी प्रदेश नाम खारेजीको माग राख्दै कोशी प्रदेश सभा भवन अगाडि पुगेका नेपाल पत्रकार महासङ्घ सुनसरीका अध्यक्ष जनकऋषी राईलाई प्रहरीले नियन्त्रणमा लिएको छ ।
प्रदेश सभा सचिवालय अगाडि आयोजना गरिएको ’पहिचानका लागि सडक साहित्यिक यात्रा’ नाम विरोध कार्यक्रमबाट प्रहरीले राईलाई नियन्त्रणमा लिएको हो । उनीसँगै सञ्जय याक्खा पनि प्रहरी नियन्त्रणमा छन् ।
वडा प्रहरी कार्यालयबाट खटिएको प्रहरी टोलीले उनीहरूलाई पक्राउ गरेको हो । पक्राउ परेका पत्रकार पहिचानको आन्दोलनमा सहभागी हुँदै आएका छन् ।
