विराटनगर । मोरङको सुन्दर हरैँचामा
२१
दिने महोत्सव हुने भएको छ। लागू औषध दुव्र्यशनीमा फसेका व्यक्तिहरूलाई सहयोग जुटाउने उद्देश्यले सुन्दरहरैचा ५ बलियामा जेठ १९ गते देखि असार ५ गतेसम्म व्यापारी महोत्सव आयोजना हुन लागेको हो । मङ्गलवार सुन्दरहरैचाँ स्थित गोकर्ण रिसोर्टमा पत्रकार सम्मेलन गर्दै २१ दिने महोत्सव सुरु गर्न लागिएको जानकारी दिइएको हो ।
मिलीजुली परिवार क्लबको आयोजना र ग्लोबल ड्रिम्स म्यानेजमेन्ट प्रा. लि.को व्यवस्थापनमा लागू औषध दुव्र्यशनीमा फसेकाहरूलाई पुनः स्थापनामा जोड दिँदै महोत्सवको आयोजना गर्न लागिएको आयोजक समितिका सदस्य कपिल बस्नेतले जानकारी दिए । महोत्सवमा विभिन्न स्थानीय तथा मौलिक परिकारका स्वादिष्ट खानाका स्टल राखिने साथै महोत्सवलाई मनोरञ्जनात्मक र रोचक बनाउन विभिन्न किसिमका खेलहरू समावेश गरिने, महोत्सवमा हरेक दिन विभिन्न विधाका प्रतिष्ठित, सामाजिक र महत्त्वपूर्ण व्यत्तित्वहरु आउने बताइएको छ। महोत्सवमा करिब ४० देखि ५० वटा स्टलहरू रहने र हरेक दिन सांस्कृतिक प्रस्तुति रहने जानकारी दिए । महोत्सवमा हरेक दिन करिब दुई हजार देखि चार हजारसम्म दर्शकको उपस्थिति रहने आयोजकको अनुमान छ ।
