विराटनगर । नेकपा एमाले कोशी प्रदेश संसदीय दलको उप नेतामा तिलकुमार मेन्याङ्वो चयन भएका छन् । आज बसेको नेकपा एमाले संसदीय दलको बैठकले दलको उप नेतामा मेन्याङ्वोलाई उप नेताको जिम्मेवारी दिएको हो ।
यस अघि राम राना दलको उप नेता थिए । राना आर्थिक मामिला तथा योजना मन्त्रीमा नियुक्त भएपछि संसदीय दलको उप नेताको जिम्मेवारी मेन्याङ्वोलाई दिएको नेकपा एमाले संसदीय दलका सचेतक कमला दर्नालले बताइन् ।
रानालाई २०८० वैशाख २० गते एमाले कोशी प्रदेश संसदीय दलको उप नेतामा चयन भएका थिए । मेन्याङ्वो नेकपा एमाले पोलिटब्युरो सदस्य हुन् । उनी ताप्लेजुङबाट निर्वाचित प्रदेश सभा सदस्य हुन् ।
