विराटनगर । हिरो मोटर साइकलको नेपालकालागि आधिकारिक विक्रेता सिजी मोटर्सले आइसिसी टी–२० विश्वकपमा भाग लिइरहेको नेपाली क्रिकेट टिमलाई शुभकामना दिन नेपालका विभिन्न स्थानमा मोटरसाइकल र्याली निकालेको छ ।
नेपाली खेलाडीको हौसला बढाउन मोटरसाइकल र्याली निकालिएको हो । टी–२० विश्वकप क्रिकेट मार्फत विश्वभरि नेपाललाई चिनाउने खेलाडीलाई हौसला प्रदान गर्न
विराटनगर काठमाडौँलगायत देशका विभिन्न स्थानहरूमा र्याली निकालको हो ।
विराटनगर विक्रेता लक्ष्मी ट्रेडिङ हाउस (प्रा.) लि. ले पनि आज मोटरसाइकल र्याली निकाल्यो । मुनालपथस्थित शोरुमबाट निकालिएको शुभकामना र्याली बरगाछी, तीन पैनी, रोड शेष चोकबाट धरान रोड हुँदै पुनः मुनाल पथमै पुगेर सम्पन्न भएको थियो । र्याली सहभागीहरूले खेलाडीको हौसलास्वरुप चियर अप नेपाल लेखेको टिसर्ट लगाई राष्ट्रिय झन्डा बोकेका थिए । र्यालीमा ३० जनाभन्दा बढी राइडर सहभागी थिए ।
सहभागी सबै मोटरसाइकल तथा स्कुटरहरू हिरो ब्रान्डका थिए । मोटरसाइकल तथा स्कुटर उत्पादन गर्ने विश्वकै सबैभन्दा ठुलो कम्पनी हिरोले आर्जन गरेको विश्वास र उत्कृष्टता सबैमाझ परिचित छ ।
हिरोका मोटरसाइकल तथा स्कुटरहरू अहिले नेपाली भूमिमै एसेम्बल भइरहेका छन् । नेपालमा सबैभन्दा बढी बिक्री हुने मोटरसाइकल ब्रान्ड मध्येको एक हिरोले नयाँ बेन्चमार्कहरू समेत कायम गर्दै आएको छ ।
