विराटनगर । कोशी प्रदेश सरकारले अहिले सम्म २२ वटा बहुबर्षीय सडक निर्माण सम्पन्न गरेको छ । कोशी प्रदेश सरकारका आर्थिक मामिला तथा योजना मन्त्री राम बहादुर मगरले प्रदेश सरकार आएपछि ७८ वटा बहुबर्षीय सडक निर्माणको काम थालेकोमा २२ वटा सडक योजनाको निर्माण सम्पन्न भएको बताए । उनले प्रदेश सरकारले अहिले सम्म ५२८ किलोमिटर सडक कालोपत्रे गरेको बताए ।
उनले १२५७ किलोमिटर सडक ग्राभेल र ११०२ किलोमिटर कच्ची सडक निर्माण गरेको बताए । प्रदेश सभामा आर्थिक वर्ष २०८१/ ८२को बजेट वक्तव्य पढ्दै प्रदेश सरकारले ८० वटा मोटरेवलपुल,१८४ झोलुङ्गे पुल निर्माण गरेको बताए । उनले प्रदेश सरकारले ३३ वटा सरकारी भवन, १०५ वटा सामुदायिक भवन ११ वटा भ्यू टावर, १८ वटा बसपार्क निर्माण गरेको बताए ।
उनले प्रदेश सरकारले ५४ स्थानमा एकीकृत बस्ती निर्माण गरिएको र जनता आवास कार्यक्रम अन्तरगत ५ हजार ९१० वटा घर निर्माण गरिएको बताए । उनले प्रदेश सरकारले ५० वटा खेल स्थल निर्माण गरिएको बताए ।
