विराटनगर । मोरङको ग्रामथान गाउँपालिका अध्यक्ष जयप्रकाश गच्छदारको निधन भएको छ ।
लामो समय देखी थलिएका अध्यक्ष गच्छदारको सोमबार दिउँसो मृत्यु भएको हो ।
उनलाई १० माघ २०८० मा ब्रेन ह्यामरेज भएको थियो । राष्ट्रिय सभा निर्वाचनको दिन अकास्मत ढलेका उनलाई अस्पताल भर्ना गरिएको थियो ।
लामो समय अस्पतालमै राखिएको उनलाईप पछिल्लो समय भने घरमा लगिएको थियो ।
स्थानीय तह निर्वाचनमा उनी नेपाली कांग्रेसबाट निर्वाचित भएका थिए ।
गच्छदारको मंगलबार अन्तिम संस्कार गरिने जनाइएको छ ।
