विराटनगर । विराटनगरका धेरै ठाउँ जलमग्न भएको छ। बिहानै देखि परेको अविरल वर्षाको कारण विराटनगरका सबै क्षेत्र डुबानमा परेका हुन् । लगातारको वर्षाको कारण मोरङका धेरै ठाउँ जलमग्न भएको प्रहरीले जनाएको छ। लगातार पानी परिरहेको कारण अझै बिवरण आई नसकेको र आउने क्रम सुरु भएको जिल्ला प्रहरी कार्यालय मोरङका एसपी नवराज कार्कीले जानकारी दिए । उनका अनुसार विराटनगरका केही बस्तीहरू डुबानमा परेका छन् ।
विराटनगर महानगरपालिका वडा नम्बर १९ को सरदार टोलका १० घर विस्थापित भएको एसपी कार्कीले जानकारी दिए । अहिले विराटनगर, बुढीगंगाका धेरै क्षेत्र डुबानमा परेका छन् । विराटनगर महानगरपालिकाले उद्धार र राहत कोलागि टोली परिचालन गरेको छ । 
