विराटनगर । कोशी प्रदेशका आन्तरिक मामिला तथा कानुन मन्त्री लीलाबल्लभ अधिकारी र मन्त्रालयका निमित्त सचिव कमल थापाबिच कार्य सम्पादन सम्झौता भएको छ ।
प्रदेश सुशासन (व्यवस्थापन तथा सञ्चालन) ऐन २०७६ र नियमावली २०७७ अनुसार मन्त्री ले कार्य सम्झौता गरेका हुन् । मुख्यमन्त्री हिक्मतकुमार कार्कीले सबै मन्त्रीहरूलाई साउन १५ गतेभित्र कार्यसम्पादन सम्झौता गर्नलाई निर्देशन दिएका थिए । सोही अनुरूप मन्त्रालयले सम्झौता गर्न सुरु गरेको हो ।
कार्कीले १५ गते भित्र मन्त्रीलाई सचिवसँग र सचिवले मातहतका कार्यालय प्रमुख र महाशाखा प्रमुखसँग सम्झौता गर्नका लागि निर्देशन दिएका थिए । मुख्यमन्त्री कार्कीले साउन १ गते देखि नै लागु हुने गरी कोशी प्रदेशका प्रमुख सचिवसँग कार्यसम्पादन सम्झौता गरिसकेका छन् । कार्य सम्पादन गरेपछि मन्त्रालय र मातहतका कामहरू प्रभावकारी हुने र काम सम्पन्न गर्न सजिलो हुने बताइएको छ।
