पाँचथर । पाँचथरको याङ्बरक गाउँपालिका-५ कालोपानीलाई पर्यटकीय क्षेत्र बनाउन गाउँपालिकाले अभियान सुरु गरेको छ ।
यस क्षेत्रलाई पर्यटकीय स्थलका रूपमा विकास गर्न गाउँपालिकाले गुरुयोजनासँगै पूर्वाधार निर्माण सुरु गरेको हो । खुला चौर भएको यस ठाउँमा आकर्षक पोखरी समेत छ ।
कञ्चनजंघा र कुम्भकर्ण हिमालको दृश्यावलोकन गर्न सकिने भएकाले यो क्षेत्रलाई पर्यटकीय स्थलका रूपमा विकास गर्न लागिएको गाउँपालिकाले जनाएको छ ।
याङ्बरक गाउँपालिका ५ मा रहेको यो ठाउँसम्म पुग्न मेची राजमार्गको फिदिम ताप्लेजुङ सडक खण्ड अन्तर्गतको गोपेटार बजारदेखि ५ मिनेट कच्ची सडकको यात्रा गर्नुपर्छ ।
कालोपानी आसपास आगेजुङ गुम्बा, गोपेटार, जोरपोखरी र हिलिहाङ दरबार लगायतका रमणीय धार्मिक, पर्यटकीय र ऐतिहासिक स्थल रहेका छन् ।
