सिन्धुली । खोटाङ हलेसीबाट काठमाडौँतर्फ जाँदै गरेको हाइलक्स गाडी सिन्धुलीको गोलन्जोरमा दुर्घटना भएको छ। गोलन्जोर गाउँपालिका वडा नम्बर १ कुँडुले नजिकबाट शनिवार साँझ सुनकोसी नदीमा खस्दा तीन यात्रु बेपत्ता भएका छन् । एक जनाले हाम्फालेर ज्यान बचाएको प्रहरीले जनाएको छ।
हाइलक्समा सवार ४ मध्ये नदीमा खस्दा तीन यात्रु बेपत्ता भएका हुन् । हाम फालेर जोगिएका भक्तपुर सूर्य विनायक नगरपालिका जगातीका २७ वर्षीय सुशान्त कक्षपतीले घटनाबारे प्रहरीलाई जानकारी गराएका थिए । घाइते कक्षपतीको सुनकोसी सामुदायिक अस्पताल खुर्कोटमा उपचार भइरहेको छ । सुनकोसीमा खसेर बेपत्ता हुनेहरूमा भक्तपुर सुर्यविनायक नगरपालिका जगातीका वर्ष ३२ का चालक अविन बडे, ३० वर्षीय प्रनित स्यागु र ३७ वर्षीय बलराम घटुवा रहेको सिन्धुली प्रहरीले जनाएको छ ।
सुनकोशीको बहाव बढिरहेकाले बेपत्ताको खोज बिनका लागि सशस्त्रको गोताखोर परिचालन भएको सिन्धुली प्रहरीका प्रमुख एसपी गोविन्दराज काफ्लेले बताए ।
