इटहरी । इटहरी उप
महानगरले असोज यही २ गतेबाट नगर बस सञ्चालन गर्दै छ । इटहरी उप महानगरका ग्रामीण
क्षेत्रलाई सहर सँग जोड्न भन्दै उप महानगर आफैले नगर बस सञ्चालन गर्नका लागि ४ वटा
इलोक्ट्रीक बस किनेको छ ।
चाइनामा उत्पादन भएको
बस खरिदमा उप महानगरले भ्रष्टाचार गरेको भन्दै प्रतिनिधि सभा र प्रदेश सभामा समेत
कुरा उठेको छ । प्रतिनिधि सभा सदस्य अशोक चौधरीले बस खरिदमा इटहरी उप महानगरमा
भ्रष्टाचार र अनियमितता भएको भन्दै प्रतिनिधि सभामा छानबिनको माग राखे ।
यस्तै कोशी प्रदेश
सभा सदस्य मिना श्रेष्ठले पनि नगर बस खरिदमा भ्रष्टाचार भएको आरोप प्रदेश सभामा लगाइन्
। नगर बस खरिदमा भ्रष्टाचार भएको बिषय दुई वटा सदनमा उठेपछि इटहरीले खरिद गरेका
इलोक्ट्रीक बसको चर्चा देशै भर भइरहेको छ ।
इटहरी उप महानगरमा
नेपाली काँग्रेसका हेमकर्ण पौडेल मेयर छन् । उनै
मेयर पौडेलको नेतृत्वमा नगर बस खरिदमा अनियमितता भएको आरोप लागिरहेको छ ।
उप महानगरले इलेक्ट्रक बस खरिद गर्नका लागि भ्याट सहित ६ करोड ८८ लाख रुपैयाँको टेन्डर २०८० साल भदौमा खोलेको थियो । टेन्डर खेलेसँगै तीन वटा कम्पनीले बस खरिद गर्नका लागि उप महानगरसँग प्रस्ताव पेस गरेका थिए ।
महानगरलाई बस दिनका इच्छा जाहेर
गर्दै सप्रिदी ट्रेडिंग प्राली ,एनइभी
नेपाल प्राली र नेश्नल फायर सेफ प्रालीले प्रस्ताव उप महानगरमा प्रस्ताव पेस गरेका
थिए । प्रस्ताव पेस गर्नेमा साझा सहकारीले खरिद गरेको इलेक्ट्रिक बस बेच्ने कम्पनी
एनइभी प्राली समेत सहभागी भएको थियो ।
साझाले साझाले २०७९
असोज २२ गते चीनको सिएचटिसी किनविङ (नानजिन) अटोमोबाइल कम्पनी लिमिटेडसँग ४० वटा
बस खरिदका लागि सम्झौता गरेको थियो । एनइभी नेपाल प्राली सएचटिसी किनविङ (नानजिन)
अटोमोबाइल कम्पनी म्यानुफक्चरीक इजाजत पाएको नेपाल स्थित कम्पनी हो ।
जस अनुसार सप्रिदी
ट्रडिंगले ७ करोड ५६ लाख रुपैयाँको प्रस्ताव हालेको इटहरी उप महानगरपालिकाले
उपलब्ध गराएको कागजतमा उल्लेख छ ।
सो कम्पनीले इटहरी उप
महानगरले प्रस्ताव आव्हान गरेको रकम भन्दा ९ दशमलव ८८ प्रतिशत बढीको प्रस्ताव पेस
गरेको देखिन्छ ।
यसै गरी बस खरिदका
लागि इच्छुक देखिएको अर्को कम्पनी एनइभी नेपाल प्रालीले भने उप महानगरले प्रस्ताव
गरेको भन्दा १ दशमलव ६० प्रतिशत विलोमा प्रस्ताव हालेको देखिन्छ । सो कम्पनीले ४ वटा इलेक्ट्रिक
बस खरिदका लागि ६ करोड ७० लाख रुपैयाँको प्रस्ताव पेस गरेको इटहरी उप
महानगरपालिकाको कागजतमा उल्लेख छ ।
यस्तै नेश्नल फायर सेफ कम्पनीले भने ६
करोड ३६ लाख ८६ हजार ८ सय रुपैयाँको प्रस्ताव पेस गरेको छ । सो कम्पनीले उप
महानगरले टेन्डर खोलेको भन्दा ७ दशमलव ४३ प्रतिशत कममा प्रस्ताव पेस गरेको छ ।
उप महानगरले प्रस्ताव पेस गरेका तीन वटा
कम्पनी मध्ये सबैभन्दा कम प्रस्ताव पेस गरेको नेश्नल फायर सेप कम्पनीसँग नै बस
खरिद गरेको भए पनि अनियमीति भएको आशङ्का गरिँदै आएको छ ।
इटहरी उप
महानगरपालिका खरिद शाखाका मेकानिकल इन्जिनियर रुपेश आचार्य खुल्ला प्रतिस्पर्धाबाट
बस खरिद गरिएको दाबी गर्छन् । सार्वजनिक खरिद ऐनको प्रक्रिया पूरा गरेका छौ ।
इटहरीका मेयर हेमकर्ण
पौडेलले यो नगर सभाले छुट्टाएको नगर बस खरिद शीर्षकबाटै बस किनिएको बताए । उनले
भने,
स्थानीय तहले खरिद
गर्दा अपनाउनु पर्ने सबै प्रक्रिया पुरा गरेर बस खरिद भएको हो ।
सार्वजनिक खरिद ऐन अन्तरगत प्रस्ताव आव्हान गरेर भएको हो । हामीले
प्रस्ताव आव्हान ग¥यौ । आव्हान
पछि विभिन्न कम्पानीहरुले प्रस्ताव हाले । सबै भन्दा कममा खरिदको प्रस्ताव गर्ने
कम्पनीसँग बस किन्यौ ।
उनले बस खरिदको प्रक्रियाका बारेमा आवश्यक पर्ने कागजत सार्वजनिक
भएकाले कहि कतै अनियमतिता भएको लागे अख्तियार जान चुनौती दिए । उनले भनेर्, माननीयहरु पनि भ्रष्टचार भयो भनेर
सदनमा बोल्दै हुनुहुन्छ । खरिद प्रक्रियाका बारेमा सवै डकुमेन्ट सार्वजनिक भएको छ
अख्तियार गए भो । ’
