सुनसरी । इटहरीमा जारी अन्डर १३ जुनियर फुटबल प्रतियोगितामा आयोजक जुटबिकास फुटबल क्लबले विजयी सुरुवात गरेको छ । इटहरी ९ स्थित खेलमैदानमा बुधवार सम्पन्न पहिलो खेलमा जुटबिकासले इटहरी फुटबल क्लबलाई पेनाल्टी सुट आउटमा ४-३ गोल अन्तरले पराजित गरेको छ ।
निर्धारित समयमा दुवै टिमबाट १-१ गोलको बराबरी भएपछि खेलको निर्णय पेनाल्टी सुट आउटबाट लिइएको हो ।
दोस्रो खेलमा जहदा फुटबल क्लबले आरम्भ स्कुल झुम्कालाई ८-० को फराकिलो अन्तरले पराजित गरेको छ ।
बुधबारनै सम्पन्न तेस्रो खेलमा जनपथ एकेडेमी विराटनगरले लर्डबुद्ध स्कुल झुम्का माथि ३-१ को जीत हात पारेको छ ।
कार्तिक १२ गतेसम्म चल्ने प्रतियोगितामा १६ वटा टिम सहभागी छन् ।
विजेताले नगद ३० हजार र उपविजेताले २० हजार पाउने आयोजकले जनाएको छ ।
