सुनसरी । इटहरीमा जारी अन्डर १३ जुनियर फुटबल प्रतियोगितामा दुहबीको महेन्द्र मेमोरियल स्कुलले लगातार दोस्रो जीत हात पारेको छ । इटहरी ९ स्थित स्थित डिभिएम स्कुल परिसरको खेलमैदानमा शनिवार सम्पन्न खेलमा झापा नेशनल स्कुललाई ३-१ गोल अन्तरले पराजित गर्दै महेन्द्र मेमोरियल सेमिफाइनल प्रवेश रेको छ ।
यसअघि महेन्द्र मेमोरियलले धरान सिटी फुटबल क्लबलाई पराजित गरेको थियो ।
शनिबारनै सम्पन्न दोस्रो खेलमा डाँगी फुटबल क्लबलाई ३-१ गोल अन्तरले पराजित गर्दै विराटनगरको जनपथ एकेडेमी पनि सेमिफाइनल प्रवेश गरेको छ । जनपथले आफ्नो पहिलो खेलमा लर्डबुद्ध स्कुल झुम्कालाई पराजित गरेको थियो ।
प्रतियोगिता अन्तर्गत आइतबार दुवै सेमिफाइनल खेल हुने छन् ।
फाइनल खेल कार्तिक १२ गते हुनेछ ।
फाइनल विजेताले नगद ३० हजार र उपविजेताले २० हजार पाउने आयोजकले जनाएको छ ।
