सुनसरी– हिसान स्पोर्टस मिट अन्तर्गत हिसान एन्फा सुनसरी कप अन्तर विद्यालय फुटबल प्रतियोगिताको मङ्गलवारको खेलमा विजयी हुँदै पूर्वाञ्चल, एम्स, धरान मेघा र बिश्वआदर्श कलेज क्वाटर फाइनलमा प्रवेश गरेका छन् ।
मङ्गलवारको पहिलो खेलमा पूर्वाञ्चल कलेजले धरान आदर्शलाई पेनाल्टी सुट आउटमा ३–२ गोल अन्तरले पराजित गरेको छ ।
दोस्रो खेलमा एम्स एकेडेमीले सुनाखरी कलेजलाई ४–० गोल अन्तरले पराजित गरेको छ ।
अर्को खेलमा धरान मेघा हिमालयन कलेजले ग्रीनपिस स्कुललाई पेनाल्टी सुट आउटमा ५–४ गोल अन्तरले पराजित गरेको छ । मङ्गलवारको अन्तिम खेलमा बिश्वआदर्श कलेजले स्मल हेभन कलेजलाई ४–३ गोल अन्तरले पराजित गर्दै क्वाटर फाइनल पुगेको प्रतियोगिता संयोजक एवंम एन्फा सुनसरी महासचिव कोबिदजंग कार्कीले जानकारी दिए ।
क्रिकेटमा सुस्मा र नमुना कलेज विजयी
उच्च शिक्षालय तथा माध्यमिक विद्यालय संघ हिसान सुनसरीको स्पोर्टस मिट अन्तर्गत क्रिकेट प्रतियोगितामा सुस्मा कलेज र इटहरी नमुना कलेज विजयी बनेका छन् ।
मङ्गलवार हुने भनिएको पहिलो खेलमा सीबी कलेज नआएपछि सुस्मा कलेज वाकओभर पाएर विजयी बनेको छ ।
दोस्रो खेलमा इटहरी नमुना कलेजले कोशीसेन्टजेम्स कलेजलाई ९ रनले पराजित गरेको छ ।
टस जितेर पहिला ब्याटिङ गरेको नमुनाले निर्धारित १२ ओभरको खेलमा ८ विकेट गुमाउँदै ७७ रन जोडेको थियो ।
७८ रनको विजयी लक्ष्य पछ्याएर जवाफी ब्याटिङ गरेको कोशीसेन्टजेम्सले ९दशमलव ३ बलमा सबै विकेट गुमाउँदै ६९ रन मात्र बनाउन सक्यो ।
