सुनसरी । बराह बचत तथा ऋण सहकारीको १० अर्ब रुपैया रकम अपचलनको आरोपीको खोजी कार्य तिब्र पारिएको छ ।
सुनसरीको धरानमा मुख्य कार्यलय रहेको बराह बचत तथा ऋण सहकारीको रकम अपचलन प्रकरणमा पक्राउ परेका ८ जना यसअघिनै पूर्पक्षका लागि कारागार चलान भैसकेका छन । बांकी फरार आरोपीहरुको खोजी कार्य तिब्र पारिएको जिल्ला प्रहरी कार्यलय सुनसरीका प्रहरी प्रमुख एसपी सुमनकुमार तिम्सिनाले जानकारी दिए ।
बराह बचतमा कुल १० अर्ब ७३ करोड भन्दा बढी रकम अपचलन भएकोमा जिल्ला सरकारी वकिल कार्यालय मुद्दा दायर गरेको छ । सहकारीका सञ्चालक ३५ जना विरुद्ध सङ्गठित अपराध निवारण ऐन २०७० र सहकारी ऐन २०७४ बमोजिम मुद्दा लगाइएको छ ।
२२२ जनालाई सहकारी ऐन २०७४ बमोजिम र २१० जना ऋणी विरुदलाई प्रतिवादी बनाइएको छ । सहकारीबाट ऋण लगेका २१० ऋणीहरू विरुद्ध जिल्ला अदालतमा मुलुकी फौजदारी कार्यविधि संहिता २०७४ को दफा ३२ बमोजिम अभियोग पत्र दर्ता गरेको छ ।
४ हजार १ सय ८६ जना बचतकर्ताको उजुरीको आधारमा जिल्ला प्रहरी कार्यालय सुनसरीले जाहेरी दर्ता गरेको हो । सोही आधारमा प्रहरीले अदालतमा ऋणीहरू समेतका विरुद्ध अभियोग पत्र दर्ता गरेको हो ।
बराहबाट ऋण लिने २१० जना ऋणीहरूको नाममा साँवा ४ करोड ५४ लाख ९८ हजार २१ रुपैयाँ रहेको छ ।
उक्त साँवाको व्याज ४ करोड ७१ हजार २० हजार ९११ रुपया गरी कुल ९ करोड २६ लाख १८ हजार ९३२ रुपैया उठ्न बाँकी रहेको देखिएको जिल्ला प्रहरी कार्यलयले जनाएको छ ।
सुनसरीको धरानमा मुख्य कार्यलय रहेको बराह बचत तथा ऋण सहकारीले सर्वसाधारणको बचत तथा सेयर जम्मा गरेको रकम व्यक्तिगत सम्पत्ति खरिद र बराह ग्रुप अफ कम्पनी अन्तर्गतका १४ कम्पनीमा लगानी गरेको प्रहरी अनुसन्धानले देखाएको छ ।
