विराटनगर । सशस्त्र प्रहरीले झापाको मेची नगरबाट सालको गोलिया काठ बरामद गरेको छ । मेचीनगर १ स्थित कृष्ण थुम्कीबाट सशस्त्र प्रहरी बल न. २ ले ५ सय क्यु फिट सालको काठ बरामद गरेको हो । गणपति देवराज अर्याल नेतृत्वमा खटिएको ७ जनाको
मोबाइल टोलीले अवैध रूपमा काठ सहितको २ वटा ट्र्याक्टर समेत बरामद गरेको छ ।
उक्त स्थानमा अन्य जातका २०० क्यूफिट काठ र करिब १ ट्रक साल र अन्य जातका लाथ्रा फेला परेकोले नियन्त्रणमा लिएको सशस्त्र प्रहरीले जनाएको छ । बरामद सालको गोलिया काठ र २ वटा ट्र्याक्टर आवश्यक कार वाहीको लागि जिल्ला डिभिजन वनकार्यालय चन्द्र गढीलाई बुझाएको सशस्त्र प्रहरीले जनाएको छ ।
