विराटनगर । खोटाङ र तेह्रथुमको दुई छुट्टाछुट्टै स्थानमा सवारी दुर्घटना हुँदा दुई जनाको मृत्यु भएको छ । खोटाङको खोटेहाङ गाउँपालिका– ६ कच्चि सडक खण्डमा खोटाङ बजारबाट रसुवातर्फ जाँदै गरेको ना.६ त २४६६ नम्बरको ट्याक्टर सडकबाट अन्दाजि ५० मिटर तल झरी दुर्घट्ना भएको प्रहरीले जनाएको छ। दुर्घटनामा ट्याक्टर चालक खोटेहाङ– ३ का २३ बर्षीय पवन तामाङलाई उपचारकोलागि धरान घोपातर्फ लैजाने क्रममा बाटोमै मृत्यु भएको हो । त्यसैगरी तेह्रथुमको आठराई गाउँपालिका– ६ मा बा. ६८ प ५८३८ नम्बरको मोटरसाईकल अनियन्त्रित भई दुर्घटना हुँदा घाईते भएका आठराई– ३ का २५ बर्षीय नबिन थिङलावुको मृत्यु भएको छ। घाईते भएका मोटरसाईकल चालक धरान– १५ का २६ बर्षीय सुरेन्द्र राईलाई सामान्य उपचार पश्चात थप उपचारको लागि धरान रेफर गरिएको ईलाका प्रहरी कार्यालय आठराईले जनाएको छ ।
