विराटनगर । नेपाल निजामती कर्मचारी सङ्गठनले आयोजना गरेको रक्तदान कार्यक्रमबाट ७५ पिन्ट रगत सङ्कलन भएको छ। सहिद मनोज–झपेन्द्र–सुरेन्द्र स्मृति दिवसको अवसरमा आयोजना गरेको सप्ताहब्यापी कार्यक्रम अनुसार रक्तदान कार्यक्रमको आयोजना गरेको हो । सहिद सप्ताह मनाउँदै निजामती कर्मचारी सङ्गठन मोरङले आयोजना गरेको खुला रक्तदान कार्यक्रममा ७५ पिन्ट रक्त सङ्कलन भएको सङ्गठनका जिल्ला अध्यक्ष ओम सुवेदीले जानकारी दिए । नेपाल रेडक्रस सोसाइटी विराटनगर रक्तसञ्चार केन्द्रको समन्वयमा भएको रक्तदान कार्यक्रमबाट रगतको अभावबाट कसैले ज्यान गुमाउन नपरोस् भनेर सामाजिक कार्य भएको सङ्गठनले जनाएको
छ
।
