विराटनगर । विराटनगरमा रहेको परोपकार अभियान समूहले धार्मिक कार्यक्रम सम्पन्न गरेको छ। पुरुषोत्तम मासको कथा वाचन आयोजना गरेको परोपकार अभियान समूहको कार्यक्रममा ज्येष्ठ नागरिकहरूको उल्लेख्य सहभागिता रहेको थियो । विदुषी आचार्य प्रतिमा निरौलाबाट पुरुषोत्तम मासको कथा वाचन भएकोमा ज्येष्ठ नागरिक तथा श्रद्धालु भक्तजनहरूले कथा श्रवण गरेका थिए । १५ दिनदेखिको नित्य पुराण आज समापन भएको अभियान समूहका दिनेशराज सुवेदीले जानकारी दिए । कथा वाचन, श्रवणसँग भजन, कीर्तन र प्रवचनहरु भएका थिए । १५ दिने पुरुषोत्तम मासको कथा वाचन तथा श्रवण कार्यक्रमको समापनमा करिब एक सय बढी श्रद्धालु भक्तजनहरू सहभागी रहेको आयोजक परोपकार अभियान समूहले जनाएको छ।
