इटहरी । इटहरी उपमहानगरपालिकाको कर वृद्धि गरेको विरुद्धमा आन्दोलन गरिरहेको राष्ट्रिय स्वतन्त्र पार्टीले हस्ताक्षर सङ्कलन अभियान सुरु गरेको छ ।
आर्थिक ऐन २०८०/८१ मा उल्लेख भएका कर वृद्धिका प्रावधान विरुद्ध आन्दोलन गरिरहेको रास्वपाले सुरु गरेको हस्ताक्षर अभियानमा अहिले सम्म २७ हजारले हस्ताक्षर गरेका छन् । नागरिकले गरेको हस्ताक्षर आइतबार रास्वपाले इटहरी उप महानगरलाई बुझाउने तयारी गरेको छ । ह
साउन १७ गते मेयर हेमकर्ण पौडेललाई ज्ञापन पत्र बुझाएर रास्वपाले २३ गतेदेखि आन्दोलन सुरु गरेको हो ।
ज्ञापन पत्र बुझाउँदा इटहरीका मेयर पौडेलले आपसी सरसल्लाहमा कर समायोजन गर्ने बाचा दिए पनि त्यसको छलफल नगरेको रास्वपा कोशी प्रदेश प्रवक्ता कमल बाबु मैनालीले बताए ।
उनले भने नगरपालिकाले अस्वभावीक रूपमा करको दर परिवर्तन गरेको छ । यस विषयमा पटक पटक कुरा गर्दा पनि उप महानगरले समस्या समाधानमा ध्यान नदिएको मैनालीले बताए ।
उनले भने कर वृद्धिको विरोधमा सेतो कपडामा हस्ताक्षर २७ हजारले हस्ताक्षर गरेका छन् । हस्ताक्षर गर्ने हरेक नागरिकको विवरण समेत सङ्कलन गरेका मेयरलाई बुझाउँछौ ।
उपमहानगरपालिकाले गठन गरेको राजस्व समायोजन तथा पुनरावलोकन समितिले काम गर्न नसकेको भन्दै उनको भनाइ छ ।
निर्धारित समयमा काम गर्न नसक्नुको कारण जनतालाई भन्नुपर्ने धारणा राखे । नागरिकको आवाजलाई निस्तेज बनाउन खोजे त्यसको परिणाम राम्रो नहुने चेतावनी दिँदै उनले भने ‘कर घटाउने प्रक्रिया अगाडी नबढे घरघरमा पुगेर हस्ताक्षर अभियान चलाउँछौँ । कर विरुद्ध अभियान निरन्तर अगाडी बढाउँछौँ ।’
उपमहानगरपालिकाले साउन २६ को कार्यपालिका बैठकबाट कर समायोजन तथा पुनरावलोकन समिति गठन गरेको थियो । राजस्व परामर्श समिति मार्फत भदौ मसान्त सम्म अध्ययन प्रतिवेदन बुझाउने गरी गठन भएको समितिले कुनै पनि काम गर्न सकेन ।
वडा नम्बर ३ का वडाध्यक्ष उमेश सुवेदीको संयोजकत्वमा गठित समितिले प्रतिवेदन बुझाउन नसकेको हो ।
विज्ञ सम्मिलित समितिले समयमै प्रतिवेदन बुझाउन नसकेपछि पुनः म्याद थप्ने तयारी भइरहेको समितिका एक सदस्यले जनकारी दिएका छन् ।
संयोजक सुवेदीले ३१ गते बसेको समितिको बैठकले ७ दिनको म्याद थप गर्ने निर्णय गरेको बताए । सुवेदीले कार्यपालिका बैठक बस्न नसकेकाले आफूहरूले तयार पारेको प्रतिवेदन मेयरलाई बुझाउन नपाएको बताए ।
