विराटनगर । नेकपा एमाले कोसी प्रदेश अधिवेशन निर्वाचन प्रक्रिया सुरु भएको छ ।
निर्वाचन कार्यतालिका प्रकाशन गर्दै अधिवेशनमा निर्वाचन प्रक्रिया सुरु भएको हो ।
अध्यक्षको साङठानिक प्रतिवेदनका विषयमा ७ वटा समितिले सामूहिक छलफलपछिको प्रस्तुति पछि निर्वाचन प्रक्रिया सुरु भएको हो । निर्वाचनका लागि मतदाता नामावली प्रकाशन भई दाबी विरोधको समय सकिएको छ ।
अहिले मनोनयन दर्ताका लागि फर्म वितरण सुरु भएको निर्वाचन अधिकृतको कार्यालयले जनाएको छ ।
दिउँसो ४:३० बजे सम्म मनोनयन दर्ता गर्ने र ६:३० बजे सम्म उम्मेदवार उपर दाबी विरोध गर्ने समय तोकिएको कार्यतालिकामा उल्लेख छ ।
