उदयपुर । उदयपुर कटारी नगरपालिका ६ देउलीकुनाबाट प्रहरीले ३८ किलोग्राम गाँजा बरामद गरेको छ। प्रहरीले गाँजा सहित अन्य दुई जनालाई समेत पक्राउ गरेको जनाएको छ । पक्राउ पर्नेमा खोटाङ घर भई हाल उदयपुर ताप्ली गाउँपालिका १ बस्ने ३२ वर्षीय गणेश बहादुर मगर र ३३ वर्षीय वीर बहादुर मगर रहेका छन् । गए राती इलाका प्रहरी कार्यालय कटारीबाट खटिएको प्रहरी टोलीले उनीहरूलाई १९/१९ किलोग्राम गाँजा बोरामा बोकी कटारी ल्याउँदै गरेको अवस्थामा पक्राउ गरेको हो । पक्राउ परेका दुवै जनालाई इलाका प्रहरी कार्यालय कटारीबाट थप अनुसन्धान भइरहेको प्रदेश प्रहरी कार्यालय विराटनगरले जनाएको छ।
