विराटनगर । उदयपुरबाट एक व्यक्ति ९ दिनदेखि बेपत्ता भएका छन् । काठमाडौँ हिँडेका त्रियुगा नगरपालिका ६ पात्ले बासका ५४ वर्षीय टङ्कबहादुर थापा बेपत्ता भएको परिवारले जनाएको छ ।
कात्तिक ४ गते काठमाडौँ जान्छु भनी घरबाट हिँडेका थापा आजसम्म कतै सम्पर्कमा नआएको उनकी बहिनी प्रमीला थापा राउतले बताइन् । परिवारले हराई रहेका थापाको खोजी गरिदिन प्रहरी चौकी लालपत्तामा निवेदन दिएको समेत जानकारी दिए । लामो समयदेखि सम्पर्कमा नआएपछि फेला पार्नु हुने महानुभावलाई खबर गरिदिन पनि उनको परिवारले आग्रह गरेका छन् । उनीहरूले ९८४४६८८१०९, ९८६२९६६५९८, ९८०५९८७५७९, ९८१३८२०८२९ मा खबर गरिदिन समेत आग्रह गरेका छन् ।
