विराटनगर । नेकपा एमालेले आज तेह्रथुमको वसन्तपुरमा आमसभाको आयोजना गर्दै छ । आमसभालाई सम्बोधन गर्न एमाले अध्यक्ष केपी शर्मा ओली वसन्तपुर पुगेका छन् । एमालेले मङ्सिर १४ गते बैतडीको झुला घाटबाट सुरु गरेको पुष्पलाल मध्यपहाडि मार्ग समृद्धिका सङ्कल्प यात्रा अन्तरगत वसन्तपुरमा हुने सभामा सङ्खुवासभा, धनकुटा, तेह्रथुम, सुनसरी मोरङबाट नेता तथा कार्यकर्ता बिहानैबाट पुगेका छन् ।
एमालेको सभालाई लक्षित गरी पहिचानवादीहरूले बन्दको आयोजना गरे पनि आमसभालाई कुनै बन्दको प्रभाव परेको छैन । सुनसरी मोरङ बाट मात्र ६० वटा वस,६० वटा कार जिप र तीन सय बढी मोटरसाइकलमा नेता तथा कार्यकर्ता सहभागी भएको नेकपा एमाले प्रसार तथा प्रकाशन विभाग प्रमुख लक्ष्मण तिवारीले नेता तिवारीले बताए । वसन्तपुर बजारमा हुने आमसभामा ५सय १ जना स्वयंसेवक खटिएका छन् ।
