पाँचथर । नेकपा एमालेले सुरु गरेको झुला घाट चिवा भञ्ज्यांग समृद्धिका लागि सङ्कल्प यात्रा अन्तरगतको अन्तिम आमसभा पाँचथरको फिदिममा सुरु भएको छ । आमसभामा सुरु हुनुअघि एमाले अध्यक्ष केपी शर्मा ओली सहितका नेता तथा कार्यकर्ताहरूको र्यालीले फिदिम बजार परिक्रमा गरेको थियो ।
अध्यक्ष ओलीको जन्म घर तेह्रथुमको आठराई इवाबाट बिहान फिदिम पुगेका अध्यक्ष ओलीले पुष्पलाल स्मृति परिषद्को कार्यालय उद्घाटन गरेका थिए । कार्यालय उद्घाटन पछि विभिन्न जातीय भाँकी सहितको र्यालीमा सहभागी हुँदै ओलीले नगर परिक्रमा गरेका थिए । जनसभामा विभिन्न सास्कृतीक कार्यक्रम समेत भइरहेको छ ।
सभामा सहभागी हुन गाउँ गाउँबाट र्याली आएको छ ।
र्यालीमा सहभागीहरूले जातीय पहिरन र पोसाक लगाएका छन् । अधिकांश लिम्बु समुदायको बसोबास रहेको पाँचथरको फिदिममा सहभागिहुन ताप्लेजसंग इलाम झापा लगायतका जिल्लाबाट समेत नेता कार्यकर्ता सहभागी भएका छन् । एमालेको सभालाई अवरोध गर्ने गरी पहिचान वादीले बन्दको आव्हान गरे पनि यसको असर भने परेको छैन ।
