इटहरी ।धरानमा एयरपोर्ट बन्न नसक्ने निष्कर्ष सार्वजनिक भएपछि धरानका मेयर हर्क साम्पांग संस्कृति, पर्यटन तथा नागरिक उड्डयन मन्त्री सुदन किराँती विरुद्ध आक्रामक रूपमा प्रस्तुत भएका छन् । उनले आफू मेयर भएको समेत बिर्सिएर सामाजिक सञ्चालमा मन्त्री किराँतीलाई लक्षित गर्दै टिप्पणी गर्दै आएका छन् । नागरिक उड्डयन प्राधिकरणले धरान उप महानर क्षेत्रमा विमानस्थल निर्माण गर्दा विद्यामान हवाई नीति विपरीत हुने निष्कर्ष निकालेको छ । फागुन १५ गते धरानमा विमानस्थल बनाउँदा हवाई यातायातको दीर्घकालीन, नियमित र व्यबसायीक सम्भावना नभएको प्राधिकरणले विज्ञप्ति जारी गरेपछि मेयर साम्पांले मन्त्री किराँतीलाई तल्लो स्तरमा गाली गर्दै आएका छन् ।
उनले मङ्गलवार मात्रै मन्त्री किराँती लक्षित ७ वटा स्ट्याटस लेखेका छन् । मेयर साम्पांगले किराँतीलाई कुलले धिक्कार्ने सम्म भन्न भ्याएका छन् । यति मात्रै होइन उनले किराँतीले मन्त्रालय सफाइ गरेको विषयमा समेत टिप्पणी गरेका छन् । केही दिन अघि मन्त्री किराँतीको मन्त्रालयको आफ्नो कार्यकक्षमा पोचा लगाउँदै गरेको भिडियो भाइरल भएको थियो । यस प्रति टिप्पणी गर्दै साम्पांगले लेखेका छन्, सुदन किराँती मन्त्री नै हुन् कि पोचा लाउने कुचीकार रु खोइ त प्राधिकरणलाई तह लगाको रु कुलको बदनामी । साम्पांले अर्को स्टाटसमा लेखेका छन्, कुलले धिक्कार्ने काम ।
उनी यतिमा मात्रै रोकिँदैनन् मन्त्री किराँतीले राज्यको ढुकुटी सकेको सम्म भनेका छन् । मेयर साम्पांगले फेसबुकमा लेखेका छन्, केही गर्छ कि भनेको ताइँ न तुइँको गफ बाहेक अरू केही गरेन । मन्त्री भए पछि मन्त्री जस्तो काम गरे पो यस भन्नु रु राज्यको ढुकुटीको सत्यानाश मात्रै ।
उनले नागरिक उड्डयन प्राधिकरणको विस्तृत अध्ययन प्रतिवेदनले धरानमा विमानस्थल बनाउन फेल्कजीवल नभएको निष्कर्ष निकाले पछि आक्रामक भएका मेयर साम्पांगले नियमावलीलाई थुक्दै संविधान त परिवर्तन हुने नियमावली संशोधन नहुने भन्दै टिप्पणी गरेका छन् । उनले नियमावली संशोधन गरेर भए पनि विमानस्थल बनाउने मन्त्री किराँतलाई चेतावनी दिएका छन् । साम्पांग लेख्छन्,तेरो नियम संशोधन गरेर भए पनि विमान स्थल बनाउनेछौँ । ज्यादा नखोक् । संविधान त परिवर्तन हुन्छ भने त्यो नाथे तेरो नियमावली ? थु....
मन्त्री किराँतीको सचिवालयले भने वैचारिक लगामविनाको भावनाले दुर्घटना निम्त्याउन सक्ने टिप्पणी गरेको छ । मन्त्री किराँतीका प्रेस सल्लाहकार राजन समीपले लेखेका छन्,
हर्क भावना र काम गर्ने हुटहुटीको सम्मान गर्नै पर्छ । उहाँको निस्वार्थ समर्थकहरूलाई पुजीको रूपमा लिन सकिन्छ । तर प्रिय हर्कमनहरु आवेगमा संवेगात्मकता मिठा साहित्य सृजना हुन्छन् नै तथापि वैचारिक लगाम विहीन भावनाले ठुला दुर्घटना निम्त्याउन सक्छन् । तसर्थ हर्क भावनाहरूलाई निराशाको उच्चतम विन्दु सम्म पुराउन मलजल नगर्दा नै वातावरण अनुकुलनिय हुन्छ ।
