इटहरी । इटहरी उपमहानगरपालिकामा सिटी सफारी चालकले खुकुरी प्रहार गरी एक जनाको हत्या गरेका छन् ।
उपमहानगरपालिका वडा नम्बर ७ स्थित बज्राहामा सिटी सफारी चालक उमेश यादवले साईकलमा सवार भीम भन्ने राम कुमार पण्डितको खुकुरी प्रहार गरी हत्या गरेको इलाका प्रहरी कार्यालय इटहरीका डिएसपी टेक बहादुर कार्कीले जानकारी दिए ।
बज्राहको प्लटिगं क्षेत्रमा सिटी सफारी र साइकल एक आपसमा ठक्कर खाई दुर्घटना भएको थियो । सोही विषयलाई लिएर सफारी चालक यादवले साइकलमा सवार रहेका पण्डितलाई खुकुरी प्रहार गरेका थिए । खुकुरी प्रहारबाट साइकल यात्रुको घटनास्थलमै मृत्यु भएको थियो ।
खुकुरी प्रहार गर्ने पण्डितलाई पक्राउ गरिएको डिएसपी कार्कीले बताए । हत्या गर्नुपर्ने खास कारण भने खुलि नसकेको उनले बताए । घटनाको विषयमा पुरानो घटना छ की भनेर अनुसन्धान भइरहेको डिएसपी कार्कीले बताए ।
