इटहरी । इटहरी उपमहानगरपालिका वडा नम्बर २ स्थित शान्तिनगरमा जंगली हात्तीले २ वटा घर भत्काएको छ । हात्तीको आक्रमणबाट मानविय क्षति भने हुन पाएन । भागेर स्थानियले ज्यान बचाएका छन् ।
केही दिन अघि इटहरी क्षेत्रको जंगलमा आइपुगेका हात्तीको बथान सोमबार राती गाउँ पसेको थियो ।
इटहरी २ शान्तिनगर स्थित अृमतबहादुर मगर र उनका छिमेकीको घर हात्तीले भत्काएको स्थानीयले जानकारी दिए ।
एउटा पक्की भुइँ घर र अर्को कच्ची भुइँ घर भत्काएको स्थानिय रोसन अधिकारीले जानकारी दिए । उनका अनुसार सोमबार राति ८ बजेदेखि नै आएका हात्तीका बथानले मंगलबार बिहानको राति घर भत्काएको हो ।
गाउँ पसेको हात्तीले घरमा राखेको धान चामल खाएको छ । खानेकुराको खोजी गर्दै जंगली हात्तीको बथान नै गाउँ पस्ने गरेको छ ।
केही दिन देखी दर्जन बढीको संख्यामा रहेको हात्तीको बथान दैनिक जसो गाउँ पस्ने गरेको स्थानियले बताएका छन् ।
केही महिना अघि पनि हात्तीले आक्रमणमा परी एक स्थानियको मृत्यु भएको थियो ।
