विराटनगर । मोरङको ग्रामथान गाउँपालिकामा अध्यक्ष पदका लागि मतदान सुरु भएपनि उत्साह देखिएको छैन । विहान ७ बजेदेखि शुरू हुनुपर्ने निर्वाचन आधा घण्टासम्म ढिला गरी शुरू भएको थियाे । विभिन्न प्राविधिक कारण देखाएर ढिलागरी शुरू भएको हाे । ग्रामथानका सबै केन्द्रहरूमा मतदान सुरु भएको सहायक निर्वाचन अधिकृत रामराज पौडेलले बताए । निर्वाचनका बेला मतदाताकाे उत्साह देखिएको छैन । विहान ९ बजेसम्म पनि मतदान केन्द्रहरू सुनसान छन् । ग्रामथानमा १२ मतदान स्थलका २९ मतदान केन्द्रमा मतदान भएको छ । ग्रामथानमा २६ हजार ४४ मतदाता छन् । ग्रामथान गाउँपालिकाको अध्यक्ष पदमा एक स्वतन्त्र सहित १६ जना प्रतिस्पर्धामा रहेका छन् ।