विराटनगर । मोरङको ग्रामथान गाउँपालिकामा अध्यक्ष पदका लागि भएको उप निर्वाचनकाे मतगणना शुरू भएको छ । राति १०:४५ देखि मत गणना शुरू भएको हाे ।पालिकाकाे निर्वाचनमा ७१ प्रतिशत मत खसेको छ । अध्यक्षका लागि भएको निर्वाचनमा १८ हजार ५ सय ७८ मत खसेको प्रारम्भिक तथ्याङ्क आएको मुख्य निर्वाचन अधिकृतको कार्यालयले जनाएको छ । मुख्य निर्वाचन अधिकृतको कार्यालयका अनुसार तथ्याङ्क भेरी फाई गर्ने काम भइरहेको छ । निर्वाचनमा पुरुषभन्दा बढी महिलाले मतदान गरेका छन् । ९ हजार ६ सय १२ जना महिला र ८ हजार ९ सय ६६ जना पुरुष मतदानमा सहभागी भएको प्रारम्भिक विवरण छ ।
