विराटनगर । बैकिङ कसुरमा विराटनगर १२ का वडाअध्यक्ष हिरालाल कामत पक्राउ परेका छन् । उनलाई चेक बाउन्सको मुद्वामा सोमबार साझ पक्राउ गरिएको जिल्ला प्रहरी कार्यालय मोरङले जनाएको छ । उनी विरुद्व गयानन्द ठाकुरले चेक बाउन्सको मुद्व दायर गरेका थिए । ठाकुरलाई कामतले ५ लाखको चेक दिएका थिए ।
मंसिर २५ गते मोरङ अदालतबाट पक्राउ पूर्जी जारी भएपछि कामतलाई पक्राउ गरिएको मोरङ प्रहरीका प्रवक्ता डिएसपी बेदप्रसाद जोशीले जानकारी दिए ।
कामतले दिएको ५ लाखको चेक बाउन्स भएपछि कार्तिकमा उनीविरुद्ध मुद्दा दर्ता भएको थियो । बैंकिङ कसुरमा पक्राउ परेका कामत जसपाबाट उम्मेदवारी दिएर वडाअध्यक्षमा निर्वाचित भएका थिए ।