सुनसरी । प्रथम कस्तुरी अन्तर स्कुल क्रिकेट प्रतियोगिताको उपाधि इटहरीको शिक्षादिप एकेडेमीले जितेको छ ।
इटहरीकै सुषमा गोदावरी स्कुललाई ८ विकेटले पराजित गर्दै शिक्षादिपले उपाधि जितेको हो ।
विजेता शिक्षादिपले नगद १५ हजार र उपविजेता सुष्माले १० हजार पुरस्कार पाएका छन् ।
तेस्रो स्थान हासिल गर्ने खनारको शारदा स्कुलले ६ हजार रुपैयाँ हात पारेको छ ।
इटहरी ९ स्थित जनता क्रिकेट मैदानमा टस जितेर पहिले ब्याटिङ गरेको सुष्माले निर्धारित १० ओभरको खेलमा ६ विकेट गुमाउँदै १०५ रन बनाएको थियो ।
जवाफमा १०६ रनको विजयी लक्ष्य पछ्याएको शिक्षादीपले ५ दशमलव एक बलमा लक्ष्य पूरा गर्यो ।
शिक्षादीपको जीतमा प्रमुल बस्नेत र अर्पण अधिकारीले अविजित ४९ रन बनाए ।
बस्नेतले ४९ रन जोड्न केवल १४ बलको सामना गरे भने अधिकारीले १३ बलमा ४९ रन जोडे ।
३ विकेट समेत लिएका अधिकारी फाइनल खेलका म्यान अफ द म्याच बने ।
शिक्षादिपका प्रमुल बस्नेत उत्कृष्ट ब्याटर र फिल्डर, अभिषेक अधिकारी उत्कृष्ट बलर, अर्पण अधिकारी म्यान अफद सिरिज घोषित भए ।
पुस ७ गते देखी चलेको प्रतियोगितामा सुनसरीका दुई दर्जन बढी विद्यालयको सहभागिता रहेको थियो ।
