विराटनगर । सालिग्राम मञ्जु दाहाल पत्रकारिता पुरस्कार विराटनगरका पत्रकार महेन्द्र विष्टलाई हस्तान्तरण गरिएको छ । प्रेस चौतारी मोरङको ९ औं जिल्ला अधिवेशनका अवसरमा विष्टलाई नगद २१ हजार राशीकाे पुरस्कार कोशी प्रदेशका मुख्यमन्त्री हिक्मतकुमार कार्कीले सम्मानित गरे ।
प्रेस चौतारी मोरङका पूर्व अध्यक्ष समेत रहेका विष्टलाई प्रेस चौतारी मोरङले यस वर्षको शालिग्राम–मञ्जु दाहाल पत्रकारिता पुरस्कार प्रदान गरेको हो । सो पुरस्कारबाट यसअघि बरिष्ठ पत्रकारहरु यज्ञ शर्मा, लीलाराज भट्टराई, रमेशचन्द्र अधिकारी पुरस्कृत भईसकेका छन्। प्रेस चौतारी मोरङले बार्षिक रुपमा कोशी प्रदेश कार्यक्षेत्र भएका पत्रकारहरुलाई सम्मानित गर्दै आएको छ ।
प्रेस चौतारीले हरेक वर्ष शालिग्राम–मञ्जु दाहाल पत्रकारिता पुरस्कार सहित जनार्दन मैनाली स्मृति पत्रकारिता पुरस्कार र कृष्णप्रसाद सिग्देल यूवा पत्रकारिता पुरस्कार वितरण गर्दै आएको छ ।
