इटहरी । ताला खोल्ने विषयमा सहमति नभएपछि इटहरी उपमहानगरपालिकाका मेयर हेमकर्ण पौडेलले प्रशासन शाखामा लगाइएको ताला फोडेर काम सुरु गराएका छन् ।
१४ दिन अघि कार्यवाहक मेयर संगीता कुमार चौरधीले प्रशासन शाखामा ताला लगाएकी थिइन् । गत माघ ११ गते प्रशासन शाखा प्रमुख सञ्जिव खड्काले एकलौटी रुपमा कर्मचारी सरुवा तथा सर्वर र आईडी पासवर्ड परिवर्तन गरेको आरोप लगाउँदै चौधरीले ताला लगाइदिएकी थिइन् ।
बुधबार साँझ सम्म कुनै सहमति नभएको भन्दै मेयर पौडेलले ताला फोड्नु परेको बताएका छन् ।मेयर पौडेलले एक विज्ञप्ती जारी गर्दै उपमेयर चौधरीसँग पटक पटक छलफल गर्दा पनि सहमति हुन नसकेको बताएका छन् ।
जारी विज्ञप्तीमा भनिएको छ, ‘मिति २०८१ माघ२३ गते मेरो कार्यकक्षमा उपप्रमुख सहित जनप्रतिनिधिहरुसँग् समस्या समाधानका निम्ति छलफल हुँदा समेत प्रशासन शाखामा लगाइएको ताला खेल्ने विषयमा सहमति नभएको व्यहोरा जनकारी गराउँछु ।’
‘......वडा कार्यलयहरुको सेवा समेत प्रभावित भई सेवा लिन कठिनाइ भएकाले स्थानीय सरकार प्रमुखको नाताले नगरबासी र सेवाग्राहीको समस्यालाई हृदयङ्गम गर्दै प्रशासन शाखामा लगाइएको ताला खोलि कार्यलयबाट प्रदान गरिने सेवालाई नियति सुचारु गर्न आवश्यक भएकाले उक्त ताला फोडी काम सुचारु गर्न गराउन बाध्य भएको छु ।’ जारी विज्ञप्तीमा भनिएको छ ।
यता, उपमेयर संगीताकुमारी चौधरीले भने सहमित विना नै ताला फोडिएको बताइन् । उपमेयर चौधरीले भनिन्,‘ छलफलमा सहमति भएकै थिएन ।मेयरले दादागिरी देखाएर एकलौटी रुपमा ताला फोड्नुभयो ।’
‘विहिबार विहान १० बजे नै छलफल गर्ने कुरा भएको थियो । यति बेला सम्म छलफल भएको छैन । तर साथीहरु पनि आउँदैछन् । यो छलफलमा सहमति भएन भने फेरी ताला लाग्छ ।’ उपमेयर चौधरीले भनिन् ।
विहिबार दिउँसो पुनः छलफल गर्ने बताइएको छ । मेयर उपमेयर सहित काँग्रेस एमाले दुवै पक्ष र आन्दोलरत कर्मचारी सहितको छलफलबाट सहमति खोज्ने बताइएको छ ।
मेयर हेमकर्ण पौडेल विदामा रहँदा उपमेयर चौधरी कार्यवाहकको जिम्मेवारीमा हुँदा चौधरीले एमालेबाट विजयी केही वडाध्यक्षसहित प्रशासन शाखाका प्रमुख सञ्जिव खड्कामाथि दुव्र्यवहार गरेकी थिइन् ।
सोहि बिषयमा कर्मचारी टे«न युनियनहरूले चौधरीले ४८ घन्टाभित्र कर्मचारीमाथि दुव्र्यवहार गरिएको विषयमा माफी माग्नुपर्ने भन्दै आन्दोलन सुरु गरेका थिए ।
