विराटनगर । विराटनगरमा रहेको एक शोरुमबाट चोरी भएको कार प्रहरीले पक्राउ गरेको छ । 

सोरुमको सिसा फुटाएर कार चोरेर भाग्दै गर्दा प्रहरीले कार पक्राउ गर्न सफल भएको हो । चोरी भएको गाडीको तेल सकिएर रोकिए पछि प्रहरीले पक्राउ गरेको हो । कार सनुसरीको छिटाहाबाट नियन्त्रणमा लिइएको  प्रहरीले जानकारी दिएको छ । 

चोरी भएको गाडीको तेल सकिए पछि रोकि राखिएको अवस्थामा नेपाल भारत सीमा क्षेत्र सुनसरीको छिटाहाबाट नियन्त्रणमा लिएको एसपी चिमरियाले बताए । चोरीमा संलग्न विराटनगर–४ का एक युवा रहेको उनले जानकारी दिए ।

नियन्त्रणमा लिएको कारलाई मोरङ ल्याइएको छ । 

विराटनगरको एयरपोर्ट मोडको पूजा इन्टरनेट प्रा.लिको कार राति करिब २ बजेतिर चोरी भएको प्रहरीले जनाएको छ ।

चाबी घर्रामा राखिएको अवस्थामा त्यही चाबी लिएर चोरले गाडी लिएर फरार भएको जिल्ला प्रहरी कार्यालय मोरङका एसपी नारायण चिमरियाले जानकारी दिए ।

शोरुम काठमाडौँको शाखा भएकोसमेत प्रहरीले जनाएको छ । चोरीको विषयमा थप अनुसन्धान जारी रहेको प्रहरीले जनाएको छ ।