विराटनगर । झापामा प्रहरी व्यारेक भित्र एक जना प्रहरी नायब निरीक्षक मृत भेटिएका छन् । आइतबार बिहान जिल्ला प्रहरी कार्यालय झापामा रहेको व्यारेकमा सई धनराज खतिवडा मृत भेटिएको डिएसपी कृष्ण चन्दले जानकारी दिए।
उनका अनुसार तीनतले प्रहरी ब्यारेकको माथिल्लो तलामा पानीको ट्यांकी जाने फलामको भर्याङमा उनी झुण्डिएको अवस्थामा फेला परेका हुन्।
मृतक खतिवडा भोजपुर टैम्केमैयुङ गाउँपालिका ४ घर भई मोरङ कानेपोखरी गाउँपालिका ७ बस्दै आएका छन्।
प्रहरीले मृतकका आफन्तलाई जानकारी गराएर कानुनी प्रक्रिया अघि बढाएको डिएसपी चन्दले बताए। के कारणले उनले आत्महत्या गरे भन्ने कुरा खुल्न सकेको छैन । घटनाको थप अनुसन्धान अघि बढाएको प्रहरीले जनाएको छ।
