सुनसरी । नेपाली काँग्रेसका महामन्त्री विश्वप्रकाश शर्माले सामाजिक सञ्जाल विधेयक संशोधन नगरी हुबहु पारित नहुने दाबी गरेका छन् ।
मङ्गलवार इटहरीमा आयोजित राष्ट्रिय लोकतान्त्रिक अपाङ्ग सङ्घ कोशी प्रदेशको प्रथम अधिवेशनलाई सम्बोधन गर्दै महामन्त्री शर्माले सामाजिक सञ्जाल विधेयक संशोधन नगरी पास हुने कुरामा सहमत नहुने स्पष्ट पारे ।
महामन्त्री शर्माले भने, ‘ ...सम्माननीय प्रधानमन्त्रीले केपी ओली कमरेड ज्यूलाई यहि इटहरीमा अपाङ्ग सङ्घको अधिवेसनबाट भन्न चाहान्छु । सामाजिक सञ्जाल विद्येयक जुन राष्ट्रिय सभामा आएको छ, यसलाई संशोधन नगरीकन पास हुन दिने कुरामा हामी सहमत हुँदैनौ ।’
‘ नेपाली काँग्रेसका धेरै साथीहरु बोलेका छैनन् भन्ने पर्ला, पाटीको महामन्त्रीले बोल्नु भएको छ धेरैले बोल्नु पर्दैन । ’ शर्माले स्पष्ट पारे ।
नेपाली काँग्रेस अभिव्यक्ति स्वतन्त्रताको पक्षमा रहेको बताउँदै बताउँदै महामन्त्री शर्माले कसैको विरोध गरेकै भरमा जेल जानुपर्ने अवस्था नआउने खुलेर आलोचना गर्न पाइने बताए ।
राष्ट्रिय लोकतान्त्रिक अपाङ्ग सङ्घ कोशी प्रदेशको प्रथम अधिवेशनलाई सम्बोधन गर्दै शर्माले महाधिवेशनले अपाङ्ग नागरिकलाई राजनीति भन्दा जीवन सिकाउनुपर्ने भनाइ राखे ।
