सुनसरी । हुलाकी मार्गमा बसोबास गर्ने जनताको समस्या सदनमा उठाउने नेकपा माओवादी केन्द्रका अध्यक्ष पुष्पकमल दाहाल प्रचण्डले आश्वासन दिएका छन् ।
मधेस जागरण अभियान अन्तर्गत आज सुनसरीको बर्जू गाउँपालिकाको शुक्रबारेमा सम्बोधन गर्दै अध्यक्ष प्रचण्डले दक्षिणी क्षेत्रमा बसोबास गर्ने जनताले धेरै विभेद सहनु परेको उनले बताए ।
बर्तामान सरकारले नै समाजमा विभेद बढाउने काम गरेकोे अध्यक्ष प्रचण्डले बताए ।
जति दक्षिणतिर पुग्यो उति नै विभेद र अभाव धेरै पाएको उल्लेख गर्दै अध्यक्ष प्रचण्डले भौतिक पूर्वाधारको विकासका लागि राज्यको ध्यानाकर्षण गराउन, पार्टीको तर्फबाट गर्न सकिने कामको पहल लिन र मानवीय विकास तथा सचेतनाका लागि पनि यो अभियान फलदायी हुने बताए ।
जारी अभियान यस्तै विभेदको अन्त्य गर्न भएको बताउँदै उनले यो अभियानले समाजमा उत्पन्न विभेदको अन्त्य गर्ने बताए ।
कार्यक्रममा पार्टीका वरिष्ठ नेताहरू, स्थानीय प्रतिनिधिहरू, तथा कार्यकर्ताहरूको उल्लेखनीय उपस्थिति रहेको थियो ।
