विराटनगर । नेकपा एमालेका उप महासचिव प्रदीप ज्ञवालीले सत्ताबाट हटेपछि माओवादी केन्द्रका अध्यक्ष प्रचण्डलाई सहिदहरूको सम्झना आएको बताएका छन् ।
नेकपा एमाले मोरङको १० औ अधिवेशनमा बोल्दै उपमहासचिव ज्ञवालीले भने माओवादी अध्यक्ष तर्फ लक्षित गर्दै सत्ताबाट हटेपछि सहिदको सम्झना आएको छ, केराको पातको याद आएको छ ।
माओवादीले पहिला भौतिक संरचनाहरू भत्काएको भन्दै त्यसलाई बनाउन अहिले सरकारलाई बनाउन समय लागेको उनले बताए ।
अधिवेसनमा पाटी भित्रको प्रतिस्पर्धा लाई ठुलो बिषय बनाउन नहुने उपमहासचिव ज्ञवालीले बताए । पाटीको आन्तरिक जीवन लोकतान्त्रिक हुनुपर्ने भन्दै अमुक कमरेडलाई नेता बनाउने गरी हिँड्न नहुने बताए ।
उनले पाटीको लोकतान्त्रिक जीवन पनि स्वस्थ्य बनाउनु पर्ने बताए । उनले भने ’आन्तरिक जीवन लोकतान्त्रिक नभए बाहिर पनि लोकतान्त्रिक हुन सक्दैन ।’
लोकतान्त्रिक प्रतिस्पर्धीमा पनि मनोगत रूपमा विश्लेषण हुने गरेकाले समस्या भएको उनको तर्क थियो । पाटी भित्र अमुक व्यक्तिहरूसङ प्रतिस्पर्धा हुने गरेको भन्दै उनले क्रान्तिको अभिभारा पुरा गर्न पाटी भित्र को प्रतिस्पर्धालाई ठुलो बनाउन नहुने उनको भनाई थियो ।
उनले भने अहिले पाटी भित्रका कमरेडहरू सङ सङै बसेर चिया खान नसक्ने, काङ्ग्रेस र माओवादीसङ लन्च गर्न नसक्ने अवस्था रहेकाले यसलाई चिर्न पर्छ ।
यसलाई चिर्न नसके राजनीतिक क्रान्ति सम्पन्न भए पनि यसको अभिभारा पुरा नहुने उनले बताए ।
