विराटनगर । नेकपा एमाले मोरङको नयाँ नेतृत्व चयनका लागि बुधबार सम्पन्न निर्वाचनको मतगणना शुरू भएको छ । बिहिबार विहानबाट मतगणना सुरु गर्ने भनिएपनि निकै ढिला गरी गणना सुरु गरिएको छ । सुरुमा पदाधिकारी र सदस्यहरूको एकै पटक मतगणना शुरू गरिएको छ ।
नयाँ नेतृत्वका लागि दुई प्यानल नै बनाएर भएको निर्वाचनमा ८८८ जना प्रतिनिधिले मतदान गरेका थिए ।
पदाधिकारीमा संस्थापन समूहबाट अध्यक्षमा राजकुमार ओझा, उपाध्यक्षमा शान्ति लिम्बू, सचिवमा रविन थापा, उपसचिवमा शिल्पा निराला कार्की र इर्जालाल राजवंशी रहेका छन् ।
यस्तै संस्थापन इतर समूहबाट अध्यक्षमा अजम्वर राई, उपाध्यक्षमा सागर थापा, सचिवमा सोमराज थापा, उपसचिवमा उषा झा र सन्तोष वान्तबा प्रतिष्पर्धामा छन् ।
५ पदाधिकारी सहित ९४ पदका लागि १ सय ९१ चुनावी मैदानमा छन् । निर्वाचनबाट १६५ जना निर्वाचित हुने छन् । ७१ जना निर्विरोध निर्वाचित भएका छन् ।
