विराटनगर । नेकपा एमाले मोरङको जिल्ला नेतृत्व चयनका लागि भएको मतदानको गणना जारी छ । पछिल्लो पटक सार्वजनिक भएको मत परिणाम अनुसार अजम्वर राईको समूह प्यानलै अगाडि छ ।४ सय ३८ मत गन्दा अध्यक्षका प्रत्याशी राईले २२५ मत पाएका छन् । उनका प्रतिस्पर्धी राजकुमार ओझाले २१२ मत पाएका छन् ।
ओझालाई भूगोलमा रहेका अधिकांश नेताहरूको साथ र सहयोग थियो । राईलाई भने प्रदेश निर्वाचनमा अध्यक्षमा पराजित भएका नेता विनोद ढकालको साथ थियो । उपाध्यक्षमा सागर थापाले २२८ मत पाउँदा १८६ मत पाउँदा शान्ति लिम्बुले १८६ मत पाइन । सचिवमा रविन थापाले १८० मत ल्याउँदा सोमराज थापाले २३० मत पाए ।
उपसचिवमा इर्जालाल राजवंशीले १६३ मत ल्याए भने सन्तोष वान्तवाले २३९ मत पाएका छन् । यस्तै महिला उपसचिवमा उषा झाले २०८ मत पाउँदा शिल्पा कार्कीले २०४ मत ल्याएकी छिन ।
फागुन १७ गते उद्घाटन भएको एमाले मोरङको अधिवेशन सर्वसम्मत नेतृत्वका लागि नेताहरूले दबाब दिएका थिए । सर्वसम्मत नेतृत्व चयन हनु नसेपछि भएको निर्वाचनमा दुई वटा प्यानल बनेको थियो ।
एउटा प्यानलमा अजम्वर राई सहित उपाध्यक्षमा सागर थापा सचिवमा सोम थापा उप सचिवमा सन्तोष वान्तवा र उषा झाले मनोनयन दर्ता गरेका थिए । राजकुमार ओझाको प्यानलमा भने उपाध्यक्षमा शान्ति लिम्बु, सचिवमा रविन थापा, उप सचिवमा इर्जालाल राजवंशी र शिल्पा कार्कीको उम्मेदवारी परेको थियो । ९११ जना प्रतिनिधि मध्ये ८८८ मत खसेको थियो ।
