विराटनगर । नेकपा एमाले १० औं जिल्ला अधिवेशन अन्तर्गत नयाँ नेतृत्व चयनका लागि मतदानको गणनामा संस्थापन इतरको प्यानलै विजयी भएको छ ।

संस्थापन इतरको समूहको नेतृत्व अजम्वर राईले गरेका छन् । उपाध्यक्षमा सागर थापा, सचिवमा सोम थापा विजयी भएका छन् । त्यस्तै, उपसचिवमा सन्तोष वान्तवा र उषा झा विजयी भएका छन ।

संस्थापन समूहबाट अध्यक्षमा राजकुमार ओझा, उपाध्यक्षमा शान्ती लिम्बू सचिवमा रबिन थापा उम्मेद्वार थिए । उप सचिवमा शिल्पा कार्की र इर्जालाल राजवंशी उम्मेदवार थिए ।

प्रदेशका सबै नेता राजकुमार ओझाको प्यानलमा उभिँदा विनोद ढकाल एक्लैले राईको प्यानललाई काँध हालेका थिए । प्रदेश अध्यक्षमा चुनाव हारेसँगै खुम्चिएका ढकालले जिल्लामा सेटै विजयी गराएर शक्तिमा ‘शानदार’ पुनरागमन गरेका छन् ।

कसले कति मत ल्याए ?

अध्यक्ष

अजम्बर राई : ४४६

राजकुमार ओझा : ४०७

उपाध्यक्ष

सागर थापा : ४२२

शान्ती लिम्बु  : ३९१

सचिव

सोमराज थापा : ४६२

रविन थापा : ३६८

उपसचिव

सन्तोष वान्तवा : ४९०

इर्जालाल राजवशीं  : ३११

उपसचिव महिला

उषा झा :४१८

शिल्पा कार्की  : ४०५