विराटनगर । मोरङको धनपालथान गाउँपालिका– ६ कदमा गाउँमा आगलागीमा परी दुई बालबालिकाको मृत्यु भएको छ । मृत्यु हुने बालबालिकाको परिचय भने खुल्न सकेको छैन ।
आगलागिमा हालसम्म ८ घर जलिसकेको छ । नजिक नजिक रहेका सबै घर जलेका छन् । अहिले प्रहरी, स्थानीय र दमकलको सहायतामा आगो नियन्त्रण प्रयास भइरहेको छ ।
चर्को घामसँगै तिव्र गतिमा हावा चलेका कारण आगो निभाउन समस्या भएको मोरङ प्रहरीका प्रवक्ता वेदप्रकाश जोशीले जानकारी दिए ।
आगलागीको कारण खुल्न सकेको छ्रैन । घटनाको विषयमा अनुसन्धान जारी रहेको प्रहरीले जनाएको छ ।
