सुनसरी । आफ्नै घरका कामदारलाई खुकुरी प्रहार गरी गम्भीर घाइते बनाउने युवकलाई प्रहरीले पक्राउ गरेको छ ।
प्रहरीले नेपाल भारत सीमा नजिकबाट विराटनगर महानगरपालिका–२ दुर्गा चोकका सक्षम सापकोटालाई पक्राउ गरेको हो ।
उनी भारत तर्फ भाग्न लागेको अवस्थामा प्रहरीले उनलाई पक्राउ गरेको हो । भारतको जोगबनी जानै लाग्दा उनी पक्राउ परेको जिल्ला प्रहरी कार्यालय मोरङले जनाएको छ ।
सापकोटाले विहिबार राति आफ्नै घरमा काम गर्दै आएका विराटनगर–१ का ५७ वर्षीय रमेश गुप्तालाई घाँटीमा खुकुरी हानेका थिए ।
घाइते गुप्ताको चिन्ताजनक अवस्थामा नोबेल अस्पताल विराटनगरमा उपचार भइरहेको छ । सापकोटा लागुऔषध प्रयोगकर्ता भएको खुल्न आएको छ ।
के विवाद वा झगडाका कारण खुकुरी प्रहार गरिएको हो भन्ने अनुसन्धान थालिएको प्रहरीले जनाएको छ ।
