सुनसरी । नवौँ संस्करणको हराईजन राष्ट्रिय बास्केटबल रनिङ कप शनिवार देखी सुरु हुने भएको छ ।
सुनसरीको धरान स्थित बास्केटबल कोर्टमा हुने प्रतियोगिता चैत्र १२ गतेसम्म चल्ने आयोजक हराईजन बास्केटबल क्लबले शुक्रवार पत्रकार सम्मेलन गरी जानकारी गराएको छ ।
प्रतियोगितामा दुई पटकको च्याम्पियन विभागीय टिम त्रिभुवन आर्मी क्लब, विशाल मिलन केन्द्र काठमाडौँ, हाउण्ड बास्केटबल काठमाडौँ, मोरङ बास्केटबल सङ्घ, झापा बास्केटबल सङ्घ र आयोजक टिम गरी ६ वटा टोलीको सहभागिता रहनेछ ।
विजेता टिमले ट्रफी सहित नगद १ लाख ५१ हजार १ सय ११ रुपैयाँ प्राप्त गर्नेछ भने उपविजेताले ७५ हजार रुपैयाँ पाउनेछ ।
सर्वोत्कृष्ट खेलाडीलाई २५ हजार, उदीयमान खेलाडीलाई १० हजार तथा हरेक खेलका म्यान अफ द म्याचलाई पनि नगद पुरस्कार प्रदान गरिने प्रतियोगिता संयोजक वसन्त राईले जानकारी दिए ।
प्रतियोगिता धरान उपमहानगरपालिकाको संयोजन र धरान–१७ वडा कार्यालयको विशेष सहयोग सञ्चालन हुन लागेको राईले जानकारी दिए ।
