विराटनगर । नेकपा एमालेमा महासचिव शंकर पोखरेलले सहमतिमै प्रेस चौतारीको नयाँ नेतृत्व चयन गर्न निर्देशन दिएका छन् ।
आजबाट विराटनगरमा सुरु भएको प्रेस चौतारी नेपालको १० औँ महाधिवेशनलाई सम्बोधन गर्दै महासचिव पोखरलले यस्तो निर्देशन दिएका हुन ।
महासचिव पोखरेलले भद्दा संगठन हैन सानो र चुस्त संगठन बनाउन उनले निर्देशन दिए ।
अहिलेको अवस्थामा चुनावी प्रतिस्पर्धामा जाने वातावरण नभएको भन्दै महासचिव पोखरेलले सहमतिमै एकताबद्ध, छरितो र चुनौतीको सामना गर्नसक्ने संगठन बनाउन भने ।
उनले हिजोको विभाजनको पीडा व्यहोरेकाहरु पनि फर्केर आएकाले व्यवस्थापन गर्नुपर्ने बताए । प्रतिस्पर्धा र एकता कतिबेला गर्ने भन्ने बुझ्न नसके काम गर्न नसकिने उनको भनाइ थियो ।
